Neymar gefur út sitt fyrsta lag

Einn besti knattspyrnumaður heims, Neymar, ætlar að reyna fyrir sér í tónlistarheiminum.

Hann hefur staðfest að lagið „Neymusico“ sé væntanlegt en það verður frumraun Brasilíumannsins í tónlistarheiminum. Hann mun gefa lagið út á Facebook-síðu sinni.

Neymar er lifandi ungur maður sem hefur gaman af því að prófa nýja hluti.

Hann hitti Íslandsvininn Justin Bieber í Las Vegas fyrr í sumar og það gæti hafa haft einhver áhrif á hann. Að hann hafi ákveðið að taka slaginn og gefa út lag.

Brasilíumanninum er fullalvara með þessu og hann hefur meðal annars verið að læra á píanó síðustu mánuði.

Nú bíður heimurinn spenntur eftir laginu sem kemur síðar í þessari viku.