Heimilt að veiða 40 þúsund rjúpur

Náttúrufræðistofnun leggur til að ráðlögð rjúpnaveiði í haust verði 40 þúsund fuglar, en hún var 54 þúsund fuglar á síðasta ári. Stofnunin leggur mikla áherslu á að hvergi verði slakað á í þeirra viðleitni að draga sem mest úr heildarafföllum rjúpunnar.

Sigrún Magnúsdóttir, umhverfis- og auðlindaráðherra, fékk tillögurnar í fyrradag. Umhverfis- og auðlindaráðherra ákvað haustið 2013 að rjúpnaveiðitíminn yrði 12 dagar næstu þrjú ár. Gera má ráð fyrir óbreyttu fyrirkomulagi. 

Fréttin birtist fyrst í Fréttablaðinu.