Lögreglan varar við mönnum sem banka upp á og bjóða þjónustu sína

Lögreglan á Suðurnesjum varar almenning við erlendum mönnum sem seinustu daga hafa bankað upp á hjá fólki og boðið ýmsa þjónustu gegn gjaldi.

Í tilkynningu frá lögreglunni segir að mennirnir séu að ýmist að bjóðast til að mála húsþök, laga innkeyrslur og ýmislegt fleira. Lögreglan segir mikilvægt að afþakka þessa þjónustu ef fólk verður vart við mennina.

„Því miður höfum við ekki náð að finna þessa menn en óskum eftir að fá tilkynningu frá ykkur verði þið vör við þá,“ segir í tilkynningu lögreglu.