Leicester hafði betur eftir vítaspyrnukeppni

Leicester og Celtic mættust á International Champoins Cup í dag og fóru leikar 1-1 eftir venjulegan leiktíma.

Riyad Mahrez  kom Leicester yfir í upphafi síðari hálfleiksins og það var síðan Eoghan O'Connell sem jafnaði metin fyrir Celtic þegar hálftími var til leiksloka.

Eftir venjulegan leiktíma var staðan enn 1-1 og var þá strax farið í vítaspyrnukeppni.

Á þeim tímapunkti voru bæði lið búin að tryggja sér eitt stig og er keppt um eitt aukastig í vítaspyrnukeppninni. Leicester hafði þar betur og vann keppnina 6-5.