Lífið

Forsetaáskorun Vísis: Tók eitt sinn flugferð í torfærukeppni

Nanna Elísa Jakobsdóttir skrifar
Sturla Jónsson, vörubílstjóri og forsetaframbjóðandi, kemst í gírinn með The One eftir Elton John. Uppáhaldsmaturinn hans er bókastaflega allt sem konan hans leggur á matarborðið og hann trúir því að það sem maður sáir í þessu lífi lifi fram eftir manns dag.  

Þetta og fleira kemur fram hér að neðan í svörum Sturlu við Forsetaáskorun Vísis.

Vísir leggur mikið upp úr því að umfjöllunin um forsetakosningarnar sé ítarleg og úr öllum áttum, líka skemmtileg. Því lögðum við fyrir alla forsetaframbjóðendur skemmtilegan spurningalista með spurningum af öllu tagi, sumar erfiðari en aðrar en allar í persónulegri kantinum. Vísir mun birta svörin nú í vikunni fyrir kosningarnar sem fram fara 25. júní. Sturla tekur nú við keflinu og gefur lesendum Vísis innsýn inn í sinn hugarheim.

Dettifoss er vinsæll áfangastaður ferðamanna og fallegasti staðurinn á Íslandi að mati Sturlu Jónsson.Vísir/Vilhelm
Hver er fallegasti staðurinn á Íslandi?

Dettifoss

Hundar eða kettir?

Kettir

Hver er stærsta stundin í lífi þínu?

Þegar ég hitti konuna mina og þegar við eignuðumst strákana okkar.

Hver er uppáhaldsmaturinn þinn?

Allt sem konan sem eldar og leggur á matarborðið

Hvernig bíl ekur þú?

Toyota Corolla 98 model

Besta minningin?

Fæðing drengjanna minna

Hefur þú verið tekinn af lögreglunni?

Já, í gamla daga

Elton John.
Hverju sérðu mest eftir?

Ég sé bara ekki eftir neinu, mistökin móta mann og þroska.

Reykir þú?

Nei  og hef aldrei reykt

Uppáhalds drykkur(áfengur)?

Vatn

Uppáhalds bíómynd?

Trading places með Eddie Murphey

Uppáhalds tónlistarmaður?

Elton John

Hvaða lag kemur þér í gírinn?

The one með Elton John

Rómantískasta augnablikið í lífi Sturlu var þegar hann giftist Dísu konunni sinni.Vísir/Aðsend
Draumaferðalagið? 

Hringferð um Bandaríkin í blæju bíl

Hefur þú migið í saltan sjó? 

Já, heldur betur

Hvað er það skrýtnasta sem þú hefur gert?

Tekið flugferð í torfærukeppni

Hefur þú viðurkennt mistök?



Hverju ertu stoltastur af?

Fjölskyldunni minni

Rómantískasta augnablik í lífinu?

Þegar ég giftist konunni minni

Trúir þú á líf eftir dauðann?

Já ég trúi að því sem maður sáir í þessu lífi lifi ´fram eftir manns dag. Annars veit ég ekki þar sem er ekki látinn ennþá.



Ef það væri gerð Hollywood kvikmynd um ævi þína, hver ætti að leika þig?

David Caruso, leikar m.a í þáttunum CSI


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.