Blanc áfram hjá frönsku meisturunum til 2018

Laurent Blanc hefur skrifað undir nýjan tveggja ára samning við franska meistaraliðið Paris Saint-Germain. Blanc mun því stýra liðinu til ársins 2018.

Blanc var ráðinn knattspyrnustjóri PSG sumarið 2013 og undir hans stjórn hefur liðið tvívegis orðið franskur meistari og einu sinni bikarmeistari.

PSG á meistaratitilinn vísan í ár en liðið er með gríðarlega yfirburði í frönsku deildinni. Þegar 25 umferðum af 38 er lokið er PSG með 69 stig, 24 stigum meira en Monaco sem er í 2. sæti.

Lærisveinar Blanc eru einnig komnir í 8-liða úrslit frönsku bikarkeppninnar eftir 3-0 sigur á Lyon í gær.

Þá er PSG einnig komið í 16-liða úrslit Meistaradeildar Evrópu þar sem liðið mætir Chelsea.

Áður en Blanc tók við PSG stýrði hann Bordeaux og franska landsliðinu. Hann gerði Bordeaux að frönsku meisturum 2009.