Bournemouth vann nágrannaslaginn gegn Portsmouth | Öll úrslit dagsins

Bournemouth vann nágrannaslaginn gegn Portsmouth í 32-liða úrslitum bikarsins í dag en lengi vel leit út fyrir að Portsmouth sem er í þriðju deild í Englandi myndi stela sigrinum.

Heimamenn komust 1-0 yfir á Fratton Park rétt fyrir lok fyrri hálfleiks en mörk frá Joshua King og Marc Pugh sneru taflinu við fyrir úrvalsdeildarlið Bournemouth.

Stuðningsmenn Stoke þurftu að horfa upp á lið sitt detta úr bikarkeppni annan leikinn í röð en leikmönnum liðsins tókst ekki að svara fyrir tapið í vítaspyrnukeppninni gegn Liverpool í deildarbikarnum á þriðjudaginn.

Lauk leiknum með 1-0 sigri Crystal Palace en Wilfried Zaha skoraði eina mark leiksins.

Þá var mikil dramatík á Greenhouse Meadow, heimavelli Shrewsbury en heimamenn skoruðu sigurmarkið á 97. mínútu í 3-2 sigri á Sheffield Wednesday.

Öll úrslit dagsins má sjá hér fyrir neðan en lokaleikur dagsins hefst klukkan 17.30 á Anfield þar sem heimamenn í Liverpool taka á móti West Ham.

Úrslit dagsins:

Bolton 1-2 Leeds

Bury 1-3 Hull City

Crystal Palace 1-0 Stoke City

Nottingham Forest 0-1 Watford

Oxford United 0-3 Blackburn

Portsmouth 1-2 Bournemouth

Reading 4-0 Walsall

Shrewsbury 3-2 Sheffield Wednesday

West Brom 2-2 Peterborough