Fimm stjörnu frammistaða hjá Chelsea | Sjáðu öll mörkin

Chelsea sýndi gamla og góða takta í öruggum 5-1 sigri á MK Dons í lokaleik dagsins í 32-liða úrslitum bikarsins en leikmenn Chelsea fengu fjöldan allra tækifæra til að bæta við mörkum.

Spilamennska Chelsea hefur farið batnandi undanfarnar vikur og kom Oscar gestunum í Chelsea yfir á upphafsmínútum leiksins þegar hann renndi boltanum í netið af stuttu færi eftir góðan undirbúning Diego Costa.

Heimamenn í MK Dons jöfnuðu metin fimm mínútum síðar þegar írski miðjumaðurinn Darren Potter skoraði með langskoti sem fór af Nemanja Matic, breytti algjörlega um stefnu og hafnaði í netinu. Óverjandi fyrir Thibaut Courtois í marki Chelsea.

Oscar var ekki lengi að svara fyrir það og bætti við öðru marki fimm mínútum síðar eftir góðan undirbúning Ruben Loftus-Cheek.

Aðeins tíu mínútum síðar var Oscar aftur á ferðinni, í þetta skiptið með langskoti og fullkomnaði hann þrennuna í fyrri hálfleik.

Eden Hazard skoraði sjaldséð mark á upphafsmínútum seinni hálfleiks og gerði út um leikinn af vítapunktinum eftir að brotið hafði verið á honum innan vítateigsins.

Var þetta fyrsta mark Hazard í tæplega níu mánuði eða frá sigurmarki hans gegn Crystal Palace 3. maí síðastliðinn.

Bertrand Traore sem kom inn sem varamaður skoraði fimmta mark Chelsea og síðasta mark leiksins skömmu síðar eftir góðan undirbúning frá Hazard en þetta var fyrsta mark þessa tvítuga sóknarmanns fyrir Chelsea.

Potter jafnar með skrautlegu marki sem fer af Matic: Oscar kemur Chelsea aftur yfir: Oscar fullkomnar þrennuna: Hazard skorar loksins mark eftir tæplega níu mánaða bið: Bertrand Traore kominn á blað hjá Chesea: