Hernandez: Sjálfstraustið kemur þegar ég fæ að spila

Mexíkóinn Javier Hernandez hefur blómstrað síðan hann fór frá Man. Utd til þýska liðins Bayer Leverkusen.

Hann er búinn að skora 19 mörk í öllum keppnum og farið á kostum. Hjá Leverkusen fær hann traustið og hann hefur endurgoldið það traust með mörkum.

Hernandez kom meira og minna bara af bekknum hjá Man. Utd og frá leiktíðinni 2012 var hann aðeins 12 sinnum í byrjunarliðinu. Hann er búinn að vera í byrjunarliði Leverkusen 12 sinnum nú þegar í vetur.

„Það sem mig vantaði síðustu 2-3 ár var að spila meira. Fá meiri tíma í byrjunarliðinu. Hér fæ ég að spila alla leiki og það er akkúrat það sem mig vantaði,“ sagði Hernandez.

„Fólk talar oft um að framherjar verði að hafa sjálfstraust til þess að geta skorað en ég hugsa ekki þannig. Sjálfstraustið kemur með því að spila mikið og vera í takti.“