Sunderland rekur Johnson

Enska úrvalsdeildarfélagið Sunderland hefur rekið Adam Johnson en hann hefur játað á sig kynferðisbrot gegn barni.

Hann er á leið fyrir rétt á morgun vegna tveggja annarra ákæra um barnaníð þar sem hann neitar sök. Hann játaði að hafa sofið hjá 15 ára stúlku.

Johnson var í fyrstu settur í bann hjá félaginu er hann var handtekinn í mars í fyrra. Hann kom svo aftur inn í liðið á meðan málið var tekið fyrir.

Síðasti leikur hans fyrir félagið var gegn Liverpool þar sem hann skoraði í 2-2 jafntefli.