Neymar vill spila fyrir Guardiola

Hinn brasilíski framherji Barcelona, Neymar, segist dást að þjálfaranum Pep Guardiola og vill spila fyrir hann.

Neymar missti af tíma Guardiola hjá Barcelona en hann kom til Spánar ári eftir að Guardiola hætti að þjálfa liðið.

Guardiola er að hætta hjá Bayern München og ætlar til Englands. Þeir gætu hugsanlega unnið saman þar síðar.

„Guardiola er maður sem ég virkilega dáist að og myndi elska að vinna með. Það er erfitt að segja hvort ég muni spila í öðru landi en það veit enginn sína framtíð. Ég er samt mjög hamingjusamur hjá Barcelona,“ sagði Neymar.

„Ég mun snúa síðar til Brasilíu og ég væri líka til í að spila í Bandaríkjunum.“