Chadli fór á kostum í öruggum sigri Tottenham | Sjáðu mörkin

Tottenham bókaði sæti sitt í 16-liða úrslitum enska bikarsins með sannfærandi 4-1 sigri á Colchester í dag en sigurinn var aldrei í hættu eftir að Nacer Chadli kom Tottenham yfir í fyrri hálfleik.

Mauricio Pochettino tefldi fram sterku liði í dag og kom Nacer Chadli Tottenham yfir um miðbik fyrri hálfleiks með skoti rétt fyrir utan vítateiginn.

Leiddu gestirnir úr London í hálfleik en Eric Dier bætti við öðru marki Tottenham með skoti sem fór af varnarmanni og hafnaði í netinu.

Nacer Chadli virtist hafa gert endanlega út um leikinn með öðru marki sínu og þriðja marki Tottenham á 78. mínútu en Ben Davies, bakvörður Tottenham veitti Colchester líflínu þegar hann setti boltann í eigið net á 80. mínútu.

Það tók leikmenn Tottenham ekki langan tíma að svara fyrir það en Chadli lagði þá boltann fyrir Tom Carroll sem skoraði fjórða mark Tottenham og gerði út um leikinn.

Dier bætir við marki fyrir Tottenham: Chadli setur annað mark sitt og þriðja mark Tottenham: Ben Davies stýrir boltanum í eigð net og minnkar muninn fyrir Colchester: Carroll innsiglar sigurinn fyrir Tottenham