Mubarak í þriggja ára fangelsi fyrir spillingu

Hosni Mubarak, fyrrverandi forseti Egyptalands, hefur verið dæmdur í þriggja ára fangelsi fyrir spillingu. Dómur var kveðinn upp yfir honum í Kaíróí dag. Guardian greinir frá þessu.

Mubarak var dæmdur fyrir að draga sér fé úr ríkissjóði sem nota átti til að lagfæringa og breytinga á forsetahöllinni. Synir hans tveir, Gamal og Alaa, voru einnig dæmdur í sama máli.

Saksóknari ákærði Mubarak fyrir að verja 125 milljónum Egypskra punda, jafnvirði um það bil tveggja milljarða króna að núvirði, í byggingu á lúxushúsum fyrir syni sína.

Áður hefur Mubarak verið dæmdur í fangelsi í sama máli en málið var sent af æðri dómstól aftur til meðferðar. Á sama tíma var lífstíðardómi yfir honum vegna aðild að morði á 800 mótmælendum ógiltur og því máli vísað frá.

Forsetinn fyrrverandi var við völd í Egyptalandi í þrjá áratugi en honum var steypt af stóli í byltingu sem gerð var árið 2011.