Sigur í fyrsta leik Steven Gerrard með LA Galaxy

Steven Gerrard lék sinn fyrsta leik með nýja liðinu sínu LA Galaxy í nótt sem leið þegar liðið mætti mexíkóska liðinu America í æfingaleik. Leikurinn endaði með 2-1 sigri Galaxy-liðsins.

Darwin Quintero kom America yfir á 7. mínútu en Robbie Keane jafnaði metin andartökum fyrir leikslok. Það var svo Bandaríkjamaðurinn Alan Gordon sem skoraði sigurmarkið á 80. mínútu.

Gerrard hóf æfignar með LA Galaxy á þriðjudaginn og lék aðeins fyrri hálfleik í gær. Hann átti eitt skot á mark America snemma leiks sem var varið.

"Mér fannst Steven spila vel. Hann dreifði boltanum vel, samvinna hans og Juninho var góð, hann vann nokkrar tæklingar, aðstoðaði vel í sóknarleiknum og hefði getað skorað.

Fyrsti leikur hans lofar góðu. Honum virtist líða vel og leiðtogahæfni hans sást vel," sagði Bruce Arena, þjálfari LA Galaxy, eftir leikinn en 27.934 áhorfendur mættu til að sjá Gerrard í fyrsta sinn í treyju LA Galaxy.