ESB þrefaldar framlög til björgunarstarfs á Miðjarðahafi

Evrópusambandið hefur ákveðið að þrefalda fjárframlög til leitar og björgunar á flóttamönnum í Miðjarðahafi. Þetta var ákveðið á neyðarfundi leiðtoga Evrópusambandsins í Brussel í kvöld.

Fréttastofa breska ríkisútvarpsins greinir frá því að ESB ætli að leita leiða til að leggja hald á og eyðileggja báta smyglara og er ætlunin senda eftirlitsmenn til landa sem tilheyra ekki ESB.

Fundurinn var haldinn í kjölfar fregna af 750 flóttamönnum sem létu lífið á báti sem var á leið frá Líbíu á sunnudag.

Talið er að 35 þúsund manns hafi flúið stríð og fátækt í Mið-Austurlöndunum og Afríku á þessu ári og hafa um 1.750 manns látið lífið í leit að betra lífi.