Norðmenn herða landamæragæsluna

Norska ríkisstjórnin hefur fyrirskipað lögreglu að herða landamæragæslu vegna mikils straums hælisleitenda til landsins.

Anders Anundsen, dómsmálaráðherra Noregs, segir aðgerðina nauðsynlega til að flýta skráningu á öllum þeim sem koma inn í landið og þannig koma í veg fyrir komu ólöglegra innflytjendur.

Í tilkynningu frá norska dómsmálaráðuneytinu segir að ástæðan sé ekki að takmarka rétt flóttamanna til að sækja um hæli.

Þýska lestarfélagið Deutsche Bahn greindi frá því fyrr í dag að búið væri að aflýsa ferðum lesta á leið til og frá Austurríki og Ungverjalandi. Sé það gert vegna hertrar landamæragæslu.

Þannig munu ferðir milli München og Salzburg annars vegar og München og Budapest falla niður.