Gönguleiðin Breiðármörk opnuð Gyða Lóa Ólafsdóttir skrifar 24. júní 2015 10:00 Árný segir gönguleiðina á allra færi en meðal annars er gengið með vesturbakka Jökulsárlóns. Mynd/ÞorvarðurÁrnason Í dag verður gönguleiðin Breiðármörk opnuð en gönguleiðin er fyrsti hluti af heildargönguleiðinni Jöklastígur sem staðsett er í sveitarfélaginu Hornafirði og fer meðfram suðurbrún Vatnajökuls. „Árið 2013 var byrjað að vinna að þessum fyrsta legg gönguleiðarinnar en hugmyndin er eldri og var sett inn í aðalskipulag sveitarfélagsins,“ segir Árdís Erla Halldórsdóttir, atvinnu- og ferðamálafulltrúi sveitarfélagsins Hornafjarðar. Hugmyndin er að byggja upp gönguleið frá Öræfum og yfir í Lón og mun Jöklastígurinn tengjast inn á fyrirliggjandi slóða og gönguleiðir á svæðinu. Gönguleiðin sem opnuð verður í dag er um fimmtán kílómetra löng og tengir saman þrjú jökullón, Jökulsárlón, Breiðárlón og Fjallsárlón, og hefst athöfnin við bílastæðið við Fjallsárlón. „Svo er annar leggur sem er alveg að verða tilbúinn, stígurinn er klár og stikun er lokið en það er verið að byggja brýr,“ segir Árdís, en sá leggur leiðarinnar nær frá Haukafelli í austri að Skálafelli í vestri. Hún segir gönguna fallega fyrir augað og á leiðinni eru fræðsluskilti með ýmiss konar gagnlegum, fróðlegum og skemmtilegum upplýsingum meðal annars um gróðurfar, fuglalíf og sambýli manns og jökuls og segir Árdís gönguna á flestra færi. „Þetta er fyrir fuglaáhugamenn, fjölskyldufólk og eiginlega breiðan hóp,“ segir hún glöð í bragði og bætir við: „Ekki kannski ef þú ætlar að fara að reyna á þig í erfiðisgöngu en samt sem áður ganga sem allir ættu að njóta. Það er meðal annars gengið alveg með öllum vesturbakka Jökulsárlóns sem er ofboðslega falleg ganga.“ Líkt og áður sagði hófst framkvæmd verkefnisins árið 2013 og er markmið þess að auka afþreyingu og fræðslu fyrir ferðamenn sem heimsækja svæðið og stýra umferð um það þannig að svæðið bíði ekki skaða af. Árdís segir svæðið fremur snjólétt og því ætti að vera hægt að ganga leiðina allt árið um kring. „Þeir sem eru á ferðinni hvenær sem er ársins geta gengið leiðina eða hluta hennar. Það er hægt að ganga hluta hennar og til baka aftur,“ segir Árdís og því geta göngugarpar sniðið sér stakk eftir vexti og þurfa ekki endilega að ganga alla fimmtán kílómetrana. Ragnheiður Elín Árnadóttir iðnaðar- og viðskiptaráðherra mun opna leiðina formlega klukkan 12.00 og einnig heldur Björn Ingi Jónsson, bæjarstjóri sveitarfélagsins Hornafjarðar, ræðu við tilefnið. Göngubæklingur frá Ríki Vatnajökuls verður kynntur og dreift til gesta og farið verður í stutta göngu í nærumhverfinu. Að því loknu býður sveitarfélagið til kaffisamsætis í Þórbergssetri að Hala í Suðursveit. „Það eru allir velkomnir og við vonumst til þess að sjá sem flesta,“ segir Árdís glöð í bragði að lokum. Mest lesið Herra Hnetusmjör og Sara keyptu draumahúsið Lífið Ljóð Lomma reyndist vera skáldskapur gervigreindarinnar Menning Stjörnulífið: Sjóðheit og löng helgi Lífið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist 50+: Að eiga draumalista getur komið okkur skemmtilega á óvart Lífið Forsetabörnin loksins komin heim Lífið Léttir að geta loks rætt íslenskan leik opinberlega Leikjavísir Sly Stone er látinn Lífið Frægasti ástarþríhyrningur sögunnar fær nýtt líf Menning Fleiri fréttir Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn 50+: Að eiga draumalista getur komið okkur skemmtilega á óvart Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Fréttatía vikunnar: Trump, Parkinson og fótbolti Hélt við konu besta vinar síns Ríkissáttasemjari selur glæsihús undir dönskum áhrifum Selur íbúð með náttúruparadís í bakgarðinum Garðar Gunnlaugs og Fanney Sandra flytja á Selfoss Mátti eiginlega ekki hósta því þá myndi hann kremja hann Harry Potter leikari tekur aftur við hlutverki sínu Sjá meira
Í dag verður gönguleiðin Breiðármörk opnuð en gönguleiðin er fyrsti hluti af heildargönguleiðinni Jöklastígur sem staðsett er í sveitarfélaginu Hornafirði og fer meðfram suðurbrún Vatnajökuls. „Árið 2013 var byrjað að vinna að þessum fyrsta legg gönguleiðarinnar en hugmyndin er eldri og var sett inn í aðalskipulag sveitarfélagsins,“ segir Árdís Erla Halldórsdóttir, atvinnu- og ferðamálafulltrúi sveitarfélagsins Hornafjarðar. Hugmyndin er að byggja upp gönguleið frá Öræfum og yfir í Lón og mun Jöklastígurinn tengjast inn á fyrirliggjandi slóða og gönguleiðir á svæðinu. Gönguleiðin sem opnuð verður í dag er um fimmtán kílómetra löng og tengir saman þrjú jökullón, Jökulsárlón, Breiðárlón og Fjallsárlón, og hefst athöfnin við bílastæðið við Fjallsárlón. „Svo er annar leggur sem er alveg að verða tilbúinn, stígurinn er klár og stikun er lokið en það er verið að byggja brýr,“ segir Árdís, en sá leggur leiðarinnar nær frá Haukafelli í austri að Skálafelli í vestri. Hún segir gönguna fallega fyrir augað og á leiðinni eru fræðsluskilti með ýmiss konar gagnlegum, fróðlegum og skemmtilegum upplýsingum meðal annars um gróðurfar, fuglalíf og sambýli manns og jökuls og segir Árdís gönguna á flestra færi. „Þetta er fyrir fuglaáhugamenn, fjölskyldufólk og eiginlega breiðan hóp,“ segir hún glöð í bragði og bætir við: „Ekki kannski ef þú ætlar að fara að reyna á þig í erfiðisgöngu en samt sem áður ganga sem allir ættu að njóta. Það er meðal annars gengið alveg með öllum vesturbakka Jökulsárlóns sem er ofboðslega falleg ganga.“ Líkt og áður sagði hófst framkvæmd verkefnisins árið 2013 og er markmið þess að auka afþreyingu og fræðslu fyrir ferðamenn sem heimsækja svæðið og stýra umferð um það þannig að svæðið bíði ekki skaða af. Árdís segir svæðið fremur snjólétt og því ætti að vera hægt að ganga leiðina allt árið um kring. „Þeir sem eru á ferðinni hvenær sem er ársins geta gengið leiðina eða hluta hennar. Það er hægt að ganga hluta hennar og til baka aftur,“ segir Árdís og því geta göngugarpar sniðið sér stakk eftir vexti og þurfa ekki endilega að ganga alla fimmtán kílómetrana. Ragnheiður Elín Árnadóttir iðnaðar- og viðskiptaráðherra mun opna leiðina formlega klukkan 12.00 og einnig heldur Björn Ingi Jónsson, bæjarstjóri sveitarfélagsins Hornafjarðar, ræðu við tilefnið. Göngubæklingur frá Ríki Vatnajökuls verður kynntur og dreift til gesta og farið verður í stutta göngu í nærumhverfinu. Að því loknu býður sveitarfélagið til kaffisamsætis í Þórbergssetri að Hala í Suðursveit. „Það eru allir velkomnir og við vonumst til þess að sjá sem flesta,“ segir Árdís glöð í bragði að lokum.
Mest lesið Herra Hnetusmjör og Sara keyptu draumahúsið Lífið Ljóð Lomma reyndist vera skáldskapur gervigreindarinnar Menning Stjörnulífið: Sjóðheit og löng helgi Lífið Enn fjölgar í Hraðfréttafjölskyldunni Lífið Keyrði frá Sauðárkróki í Garðabæ fyrir einn gítartíma Tónlist 50+: Að eiga draumalista getur komið okkur skemmtilega á óvart Lífið Forsetabörnin loksins komin heim Lífið Léttir að geta loks rætt íslenskan leik opinberlega Leikjavísir Sly Stone er látinn Lífið Frægasti ástarþríhyrningur sögunnar fær nýtt líf Menning Fleiri fréttir Forsetabörnin loksins komin heim Herra Hnetusmjör og Sara keyptu draumahúsið Stjörnulífið: Sjóðheit og löng helgi Sly Stone er látinn 50+: Að eiga draumalista getur komið okkur skemmtilega á óvart Enn fjölgar í Hraðfréttafjölskyldunni Máli Baldoni vísað frá Ísland í neðsta og næstneðsta sæti hjá Ísraelum Nefndirnar sem smíða orðin: Lýðnetið víkur fyrir internetinu og þjarki fyrir bóta Að eiturefnum sé dreift úr flugvélum yfir fólk „Strákar verða að sýna tilfinningar“ „Grínast oft með að ég gaf honum um ellefu ár til að hætta við“ Af hverju er hvítasunnan haldin hátíðleg? „Ertu kannski Íslendingur?“ Brúnkukrems- og karókíkvöld á dagskrá kvenfanga Krakkatían: Aldur, tími og Greta Thunberg Söfnuðu milljón krónum fyrir ungt fólk með krabbamein Fékk sér Stöð 2 húðflúr í beinni útsendingu Vann gullverðlaun fyrir sykurblómaskreytingu Vala Kristín og Hilmir Snær búin að eiga Laufey Lín og Barbra Streisand leiða saman hesta sína Stuð og stemning á „árshátíð íslenskra þungarokkara“ í Stykkishólmi Þjóðhátíð um raunveruleikaþátt Brynjars: „Það er ekkert í boði“ Fréttatía vikunnar: Trump, Parkinson og fótbolti Hélt við konu besta vinar síns Ríkissáttasemjari selur glæsihús undir dönskum áhrifum Selur íbúð með náttúruparadís í bakgarðinum Garðar Gunnlaugs og Fanney Sandra flytja á Selfoss Mátti eiginlega ekki hósta því þá myndi hann kremja hann Harry Potter leikari tekur aftur við hlutverki sínu Sjá meira