Engum samningum þinglýst

Vegna verkfalls lögfræðinga hjá sýslumanninum á höfuðborgarsvæðinu var engum kaupsamningum þinglýst í síðustu viku. Þuríður Árnadóttir, sviðsstjóri hjá sýslumanninum á höfuðborgarsvæðinu, segir verkfallið hafa heilmikil áhrif.

„Á flestum fagsviðum embættisins eru engar fyrirtökur eða afgreiðslur. Það er engum skjölum þinglýst eða aflýst, það eru engar fyrirtökur í fullnustugerðum, fjárnám eða uppboð og engar fyrirtökur í skilnaðarmálum eða hjá dánarbúum, engin ættleiðingarmál afgreidd og svo framvegis,“ segir Þuríður.