Jóhann Berg, Emil og Kári mikilvægir um helgina

Þrír íslenskir landsliðsmenn áttu allir mikinn þátt í mikilvægum sigrum sinna liða um helgina.

Kári Árnason skoraði sigurmark Rotherdam í 2-1 sigri á Millwall með skalla á 85. mínútu í sannkölluðum sex stiga leik í fallbaráttu ensku b-deildarinnar.

Jóhann Berg Guðmundsson skoraði fyrsta mark Charlton í 3-0 sigri á Huddersfield en þetta var þriðja mark hans í ensku b-deildinni í febrúar.

Emil Hallfreðsson lagði upp bæði mörkin þegar Hellas Verona vann 2-1 útisigur á Cagliari í ítölsku a-deildinni en Verona mátti helst ekki tapa þessum leik.