"Plöggari“ með PR-námskeið

Jón Gunnar Geirdal, „plöggari“ og eigandi markaðsfyrirtækisins Yslands, heldur í fyrsta sinn námskeið í PR, eða samskiptum við fjölmiðla, 18. febrúar.

„Mér finnst vera mikil þörf á þessu. Hvort sem það eru fyrirtæki eða einstaklingar sem finnst erfitt að fóta sig í þessu flókna umhverfi sem eru fjölmiðlar. Ég er búinn að veltast um í því umhverfi í tæp 25 ár og sérhæfi mig í að vekja athygli á verkefnum, viðburðum og hverju sem er,“ segir Jón Gunnar, sem hefur starfað með fyrirtækjum eins og til dæmis Ölgerðinni, Pepsi, Nike, Nova og Tuborg.

Jón Gunnar mun leggja áherslu á breytt hlutverk almannatengsla þar sem netmiðlar og bloggarar hafa mun meiri skoðanamyndandi áhrif en áður.

Skráning á námskeiðið er á slóðinni Online.is/pr-og-samfelagsmidlar.