Innanríkisráðherra vill taka á hættulegum hælisleitendum kristjana björg guðbrandsdóttir skrifar 25. febrúar 2015 08:00 Ólöf Nordal Móttökustöð vantar fyrir hælisleitendur hér á landi, að sögn Þorsteins Gunnarssonar, starfandi forstjóra Útlendingastofnunar. Slík úrræði séu til staðar í grannríkjum okkar. Slík móttökustöð yrði afar gagnleg til að greina aðstæður þeirra sem hingað koma. Tveimur hælisleitendum sem lögregla telur hættu stafa af verður vísað úr landi til Danmerkur. Áður hafði Hæstiréttur hafnað að úrskurða þá í gæsluvarðhald. Annar þeirra hótaði ofbeldisverkum. „Það sem vantar og er til skoðunar er að hafa eina komugátt inn í kerfið þar sem lögð er áhersla á að greina aðstæður hælisleitenda og átta sig á aðstæðum þeirra þannig að það sé hægt að taka á þeim strax með viðeigandi hætti,“ segir Þorsteinn. Slík leið hugnist stofnuninni hér vel og auðveldi ákvarðanatöku um hvaða þjónustu sé þörf og hvaða búsetuúrræði henti. „Það sem öll grannríki okkar eiga sameiginlegt er að þar er yfirleitt ein móttökugátt fyrir umsóknir um hæli.“ Þar hefjist hælisumsóknarferlið og slíkan stað vanti hér.Mótmæli hælisleitenda í nóvember 2013. Ólöf Nordal innanríkisráðherra segir þörf á úrræðum fyrir einstaklinga sem hætta stafar af en minnir á að upp til hópa sé um að ræða venjulegt fólk sem barist hafi við erfiðar aðstæður.Fréttablaðið/StefánÞorsteinn minnir á að langstærstur hluti hælisleitenda sé friðsemdarfólk. „Við leggjum mikla áherslu á að þetta er fólk sem er í viðkvæmri stöðu og á um sárt að binda. Að langstærstum hluta eru þetta friðsamir einstaklingar sem eru samvinnuþýðir stjórnvöldum.“ Hins vegar geti komið upp eitt og eitt mál, þar sem geti verið áskorun að þjónusta fólk. Þorsteinn segir engar tölur til um hversu margir hælisleitendur hafi komið hingað til lands sem taldir hafi verið hættulegir. Víst sé að þeir séu afar fáir. „Þetta eru mjög fá mál á ársgrundvelli. Flest mála þar sem hælisleitandi sýnir ógnandi hegðun má leysa með aðstoð geðlækna. Oftast er um sjálfskaðandi hegðun að ræða sem á sér rætur í erfiðleikum þeirra. Þetta er viðkvæmur hópur. Það er mikilvægt að halda því til haga.“ Í innanríkisráðuneytinu er verið að skoða málefni hælisleitenda sérstaklega í því skyni að finna leiðir til úrbóta. „Daglega er verið að vinna í þessum málum og við erum langt komin með að bæta kerfið er varðar móttöku hælisleitenda,“ segir Ólöf Nordal innanríkisráðherra. Hún segir mikilvægt að um leið og fólk komi til landsins fari af stað skoðun og greining á aðstæðum þess, bæði til að tryggja öryggi fólksins sjálfs og samfélagsins. Í því sambandi megi benda á nauðsyn þess að sérstök úrræði séu fyrir hendi fyrir fólk sem hætta gæti stafað af. Ráðherra bendir á að við komu hælisleitenda til landsins taki á móti þeim sérfræðingar Útlendingastofnunar, Ríkislögreglustjóra og fleiri sem leita þurfi til, svo sem félagsráðgjafar. „Upp til hópa er um að ræða venjulegt fólk sem barist hefur við erfiðar aðstæður en úrræði fyrir einstaklinga sem hætta er talin stafa af þarf vitanlega að vera til staðar og er það liður í þeirri vinnu okkar hér,“ segir Ólöf. Mest lesið Enok ákærður fyrir að fleygja manni niður tröppur og berja annan Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Segja „alvarlegar staðreyndavillur“ í umfjöllun Kastljóss Innlent Forsetavaktin 2024: Hver verður sjöundi forseti lýðveldisins? Innlent Séra Guðrún kjörin biskup Íslands Innlent „Skítkastið var ógeðslegt“ Innlent Skotárás við heimili Drake Erlent Lífverðir Selenskís sakaðir um að skipuleggja banatilræði Erlent Stillir viðtækið á alheimsdögunina Innlent Fleiri fréttir Samþykktu tillögu Sjálfstæðisflokksins Reynt til þrautar að ná samningum áður en aðgerðir skella á Júróvisíon í skugga stríðsreksturs og sársaukafullar uppsagnir Enok ákærður fyrir að fleygja manni niður tröppur og berja annan Undirbúa hópuppsögn hjá Grindavíkurbæ Töluverð óvissa um framvindu jarðhræringanna Gæsluvarðhald yfir manninum framlengt „Við þurfum ekki að verjast neinu“ „Ég sé engar staðreyndavillur í þessum þætti“ Aðstæður fyrir stýrivaxtalækkun á morgun Gosið gæti þúsundfaldast við nýjan atburð Séra Guðrún kjörin biskup Íslands Segja „alvarlegar staðreyndavillur“ í umfjöllun Kastljóss SA og SSF skrifuðu undir langtímakjarasamning Agnes segir nýjan biskup taka við annarri kirkju en hún tók við Stýrivextir, Eurovision og biskupskjör „Skítkastið var ógeðslegt“ Fiskadauði í einni af mestu sjóbirtingsveiðiám landsins Valtýr ráðinn yfirlæknir Ný nálgun Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Sjá meira
Móttökustöð vantar fyrir hælisleitendur hér á landi, að sögn Þorsteins Gunnarssonar, starfandi forstjóra Útlendingastofnunar. Slík úrræði séu til staðar í grannríkjum okkar. Slík móttökustöð yrði afar gagnleg til að greina aðstæður þeirra sem hingað koma. Tveimur hælisleitendum sem lögregla telur hættu stafa af verður vísað úr landi til Danmerkur. Áður hafði Hæstiréttur hafnað að úrskurða þá í gæsluvarðhald. Annar þeirra hótaði ofbeldisverkum. „Það sem vantar og er til skoðunar er að hafa eina komugátt inn í kerfið þar sem lögð er áhersla á að greina aðstæður hælisleitenda og átta sig á aðstæðum þeirra þannig að það sé hægt að taka á þeim strax með viðeigandi hætti,“ segir Þorsteinn. Slík leið hugnist stofnuninni hér vel og auðveldi ákvarðanatöku um hvaða þjónustu sé þörf og hvaða búsetuúrræði henti. „Það sem öll grannríki okkar eiga sameiginlegt er að þar er yfirleitt ein móttökugátt fyrir umsóknir um hæli.“ Þar hefjist hælisumsóknarferlið og slíkan stað vanti hér.Mótmæli hælisleitenda í nóvember 2013. Ólöf Nordal innanríkisráðherra segir þörf á úrræðum fyrir einstaklinga sem hætta stafar af en minnir á að upp til hópa sé um að ræða venjulegt fólk sem barist hafi við erfiðar aðstæður.Fréttablaðið/StefánÞorsteinn minnir á að langstærstur hluti hælisleitenda sé friðsemdarfólk. „Við leggjum mikla áherslu á að þetta er fólk sem er í viðkvæmri stöðu og á um sárt að binda. Að langstærstum hluta eru þetta friðsamir einstaklingar sem eru samvinnuþýðir stjórnvöldum.“ Hins vegar geti komið upp eitt og eitt mál, þar sem geti verið áskorun að þjónusta fólk. Þorsteinn segir engar tölur til um hversu margir hælisleitendur hafi komið hingað til lands sem taldir hafi verið hættulegir. Víst sé að þeir séu afar fáir. „Þetta eru mjög fá mál á ársgrundvelli. Flest mála þar sem hælisleitandi sýnir ógnandi hegðun má leysa með aðstoð geðlækna. Oftast er um sjálfskaðandi hegðun að ræða sem á sér rætur í erfiðleikum þeirra. Þetta er viðkvæmur hópur. Það er mikilvægt að halda því til haga.“ Í innanríkisráðuneytinu er verið að skoða málefni hælisleitenda sérstaklega í því skyni að finna leiðir til úrbóta. „Daglega er verið að vinna í þessum málum og við erum langt komin með að bæta kerfið er varðar móttöku hælisleitenda,“ segir Ólöf Nordal innanríkisráðherra. Hún segir mikilvægt að um leið og fólk komi til landsins fari af stað skoðun og greining á aðstæðum þess, bæði til að tryggja öryggi fólksins sjálfs og samfélagsins. Í því sambandi megi benda á nauðsyn þess að sérstök úrræði séu fyrir hendi fyrir fólk sem hætta gæti stafað af. Ráðherra bendir á að við komu hælisleitenda til landsins taki á móti þeim sérfræðingar Útlendingastofnunar, Ríkislögreglustjóra og fleiri sem leita þurfi til, svo sem félagsráðgjafar. „Upp til hópa er um að ræða venjulegt fólk sem barist hefur við erfiðar aðstæður en úrræði fyrir einstaklinga sem hætta er talin stafa af þarf vitanlega að vera til staðar og er það liður í þeirri vinnu okkar hér,“ segir Ólöf.
Mest lesið Enok ákærður fyrir að fleygja manni niður tröppur og berja annan Innlent Gosið gæti þúsundfaldast við nýjan atburð Innlent „Ég sé engar staðreyndavillur í þessum þætti“ Innlent Segja „alvarlegar staðreyndavillur“ í umfjöllun Kastljóss Innlent Forsetavaktin 2024: Hver verður sjöundi forseti lýðveldisins? Innlent Séra Guðrún kjörin biskup Íslands Innlent „Skítkastið var ógeðslegt“ Innlent Skotárás við heimili Drake Erlent Lífverðir Selenskís sakaðir um að skipuleggja banatilræði Erlent Stillir viðtækið á alheimsdögunina Innlent Fleiri fréttir Samþykktu tillögu Sjálfstæðisflokksins Reynt til þrautar að ná samningum áður en aðgerðir skella á Júróvisíon í skugga stríðsreksturs og sársaukafullar uppsagnir Enok ákærður fyrir að fleygja manni niður tröppur og berja annan Undirbúa hópuppsögn hjá Grindavíkurbæ Töluverð óvissa um framvindu jarðhræringanna Gæsluvarðhald yfir manninum framlengt „Við þurfum ekki að verjast neinu“ „Ég sé engar staðreyndavillur í þessum þætti“ Aðstæður fyrir stýrivaxtalækkun á morgun Gosið gæti þúsundfaldast við nýjan atburð Séra Guðrún kjörin biskup Íslands Segja „alvarlegar staðreyndavillur“ í umfjöllun Kastljóss SA og SSF skrifuðu undir langtímakjarasamning Agnes segir nýjan biskup taka við annarri kirkju en hún tók við Stýrivextir, Eurovision og biskupskjör „Skítkastið var ógeðslegt“ Fiskadauði í einni af mestu sjóbirtingsveiðiám landsins Valtýr ráðinn yfirlæknir Ný nálgun Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Sjá meira