Uppreisnarmenn biðja ungfrú Alheim um hjálp

Uppreisnarmennirnir í FARC samtökunum í Kólumbíu hafa beðið Pauline Vega, sem nýverið var krýnd Ungfrú alheimur, um að miðla friðarviðræðum á milli uppreisnarmannanna og stjórnvalda. Samkvæmt tilkynningu frá samtökunum segjast þeir taka boði hennar sem hún setti fram í fegurðarsamkeppninni.

Samkvæmt BBC sagðist hún vilja sjá frið í heimalandi sínu í viðtölum fyrir keppnina Ungfrú alheimur.

Hin 22 ára gamla fegurðardrottning hefur ekki svarað beiðni uppreisnarmannanna.

FARC hafa barist við stjórnvöld í Kólumbíu í hálfa öld, en síðustu tvö hafa fylkingarnar rætt frið sín á milli. Lítið hefur þó gengið í viðræðunum. Samkomulag hefur náðst um umbætur í landinu og um að FARC komi að stjórnmálum landsins.

Talið er að minnst 220 þúsund manns hafi látið lífið í átökum FARC og stjórnvalda frá árinu 1964.