Telur heppilegt að Svíar og Norðmenn keppi sama kvöld og Íslendingar

„Danska lagið var mjög lélegt og ég held að dómnefndin hafi bara sent Finnana heim,“ segir Reynir Þór Eggertsson, kennari og sérstakur sérfræðingur um Eurovision-keppnina, en fyrra undanúrslitakvöldið fór fram í kvöld.

Sjá einnig: Þessar þjóðir komust áfram: Evrópa hunsar Norðurlöndin

Tíu þjóðir eru nú komnar áfram í úrslitakvöldið sem fram fer á laugardagkvöldið. Bæði Danir og Finnar sátu eftir með sárt ennið og því má segja að Evrópa hafi hunsað Norðurlöndin.

Hefur Reynir áhyggjur af því fyrir fimmtudagskvöldið?

„Finnska lagið hefur sennilega fengið slatta af atkvæðum í símakosningunni en ekkert frá dómnefndinni. Við erum samt með Svíum og Norðmönnum í riðli á fimmtudagskvöldið og það gæti hjálpað okkur, þetta kemur bara í ljós,“ segir Reynir sem er staddur út í Vín til að fylgjast með keppninni.

Reynir segist vera mjög bjartsýnn fyrir seinna undanúrslitakvöldinu sem Íslendingar taka þátt í. María Ólafsdóttir stígur á svið á fimmtudagskvöldið og tekur þá lagið Unbroken í Wiener Stadthalle.

Sjá einnig: Fyrri undanúrslitakvöldið: Öll lögin og sagan á bak við þau 

„Stemningin hér er rosalega fín. Það er alltaf mikið sjokk í þessum forkeppnum og eitthvað sem kemur á óvart. Það kom mér í raun mest á óvart að Finnar skildu ekki komast áfram.“

Hér að neðan má sjá þau lög sem komust áfram í kvöld:

Armenía

Face the shadow

Genealogy

Belgía

Loic Nottet

Rhythm Inside

Grikkland

Maria Elena Kyriakou

One Last Breath

Eistland

Elina Born & Stig Rästa

Goodbye to Yesterday

Serbía

Bojana Stamenov

Beauty never lies

Ungverjaland

Boggie

Wars for nothing

Rússland

Polina Gagarina

A million voices

Albanía

Elhaida Dani

I‘m alive

Rúmenía

Voltaj

De La Capat/ All Over Again

Georgía

Nina Sublatti

Warrior