Langar í annað

Söngkonan Kelly Clarkson stefnir á að verða ólétt í lok árs.

Clarkson sem á eina dóttur, hina ellefu mánaða gömlu River með eiginmanni sínum Brandon Blackstock, er að hefja tónleikaferð um heiminn og sagði í viðtali við BANG Showbiz að hún vildi reyna að eignast barn eftir að honum lyki því hún vildi gjarnan að börnin yrðu nálægt í aldri.

Clarkson sagðist mjög spennt yfir komandi tónleikaferðalagi en seinast hélt hún á tónleikaferð árið 2013.

Söngkonan reis til frægðar og frama þegar hún fór með sigur af hólmi í fyrstu seríu bandaríska raunveruleikaþáttarins American Idol árið 2002 og hefur átt mikilli velgengni að fagna eftir það.