Íbúar ríkja ESB sóa 22 milljónum tonna af mat á ári

Íbúar í aðildarríkjum Evrópusambandsins henda um 22 milljónum tonna af mat á ári hverju. Þetta er niðurstaða rannsóknar sem gerð var á vegum framkvæmdastjórnar sambandsins.

Í frétt Telegraph kemur fram að í niðurstöðukafla skýrslunnar segi að mögulegt sé að koma í veg fyrir að um 80 prósent af þessum 22 milljónum tonna verði hent.

Matarsóun var kortlögð í sex ríkjum og út frá þeim var heildartalan reiknuð. Á meðal þeirra sex ríkja sem rannsökuð voru kom í ljós að Bretar sóa mestum, sem samsvarar um eina dós af baunum á dag, en Rúmenar minnst eða mat sem samsvarar einu epli á dag.