Jón Daði byrjar við hlið Kolbeins í fremstu víglínu

Samkvæmt heimildum íþróttadeildar 365 mun Jón Daði Böðvarsson vera í byrjunarliði íslenska landsliðsins í dag við hlið Kolbeins Sigþórssonar. Er það eina breytingin á byrjunarliði íslenska liðsins frá leiknum gegn Tékklandi í júní.

Mun varnarlínan sem hefur staðið sig vel í undanförnum leikjum halda áfram. Þýðir það að Birkir Már Sævarsson er í hægri bakverðinum en ekki Theódór Elmar Bjarnason sem stóð vaktina í fyrri leik Íslands og Hollands.

Á miðjunni verða þeir Aron Einar Gunnarsson og Gylfi Þór Sigurðsson og á köntunum verða þeir Jóhann Berg Guðmundsson og Birkir Bjarnason.

Í fremstu víglínu verða síðan þeir Kolbeinn og Jón Daði en gera má ráð fyrir að Jón Daði verði örlítið aftan en Kolbeinn.

Byrjunarlið Íslands:

Hannes Þór Halldórsson

Birkir Már Sævarsson

Ragnar Sigurðsson

Kári Árnason

Ari Freyr Skúlason

Jóhann Berg Guðmundsson

Aron Einar Gunnarsson, fyrirliði

Gylfi Þór Sigurðsson

Birkir Bjarnason

Jón Daði Böðvarsson

Kolbeinn Sigþórsson