Forseti Nígeríu helmingar eigin laun

Muhammadu Buhari, nýkjörinn forseti Nígeríu, hefur ákveðið að helminga forsetalaun landsins.

Landið glímir nú við mikla efnahagslega erfiðleika og er háð tekjum frá olíuframleiðslu landsins, en lækkandi heimsmarkaðsverð á olíu hefur komið hart niður á efnahag þess.

Buhari tók við embætti forseta í lok maí síðastliðinn. Í aðdraganda forsetakosninga hét hann því að berjast ekki einungis gegn hryðjuverkasamtökunum Boko Haram, en einnig útbreiddri spillingu í landinu.

Buhari er þekktur fyrir fábrotinn lífsstíl og vill nú einnig draga úr útgjöldum innan hins opinbera. Liður í því er að helminga forsetalaun sín, en eftir breytingu munu árslaun hans nema um tíu milljónir króna.