Það er herferð í gangi gegn mér

Rafa Benitez, þjálfari Real Madrid, hefur ákveðið að stökkva á fjölmiðla og kenna þeim um neikvæðnina í kringum Real Madrid þessa dagana.

Það er ólga í herbúðum félagsins og hefur verið í nánast allan vetur. Starf Benitez er sagt í hættu og sums staðar fullyrt að hans tíma sé svo gott sem lokið með liðið.

„Það er herferð í gangi gegn mér og Florentino Perez forseta,“ sagði Benitez á blaðamannafundi í gær.

„Það er allt gagnrýnt sem hægt er að gagnrýna og ef það er ekki hægt að gagnrýna eitthvað þá er reynt að snúa öllu á hvolf. Þetta fer ekki fram hjá neinum.“

Real Madrid er þrátt fyrir allt aðeins tveim stigum á eftir Barcelona og Atletico Madrid en öll liðin spila í deildinni í dag.

„Það er búið að blása allt upp en ég hef mikla reynsla í þessum bransa og læt þetta ekki trufla mig,“ sagði Benitez augljóslega pollrólegur yfir stöðu mála.

„Samband mitt við leikmenn er miklu betra en skrifað er í blöðin."