Kynjajafnrétti ekki náð fyrr en árið 2133

Alþjóðaefnahagsráðið, World Economic Forum, segir í nýrri skýrslu sinni um jafnrétti kynjanna í heiminum að það muni taka 118 ár til þess að jafna launamun kynjanna.

Hægt hefur á þróuninni í átt að jafnrétti en í skýrslu sinni fyrir síðasta ár reiknaði ráðið með að launamun kynjanna yrð útrýmt árið 2095.

Í skýrslunni kemur fram að haldi þróunin í átt að jafnrétti kynjanna áfram með sama hraða náist jafnrétti kynjanna hinsvegar ekki fyrr árið 2133. Einnig kemur fram að meðallaun kvenna í dag séu á við það sem karlar unnu sér inn árið 2006. Að meðaltali vinna konur sér inn 1,5 milljón króna á ári samanborið við 2,7 milljónir hjá karlmönnum.

Árið 2006 var jafnrétti kynjanna talið vera 56 prósent en var það komið upp í 60 prósent fyrir árið 2014. Samkvæmt nýju skýrslunni hefur jafnrétti kynjanna lækkað um eitt prósent og telst það nú vera 59 prósent.

Í skýrslu ráðsins er horft er til efnahagslegra þátta, heilsu, menntunar og stjórnmálaþátttöku karla og kvenna. Enn á ný tróna Norðurlöndin á toppi listans yfir jafnrétti kynjanna. Sjöunda árið í röð er Ísland í efsta sæti en Noregur, Finland og Svíþjóð raða sér í næstu sæti.

The Global Gender Gap At A Glance https://t.co/Zbx15ASR9j #gendergap pic.twitter.com/nXA0A3yioR

— World Economic Forum (@wef) November 19, 2015