Kynjajafnrétti náð árið 2095

Alþjóðaefnahagsráðið, World Economic Forum, segir í nýrri skýrslu sinni um jafnrétti kynjanna í heiminum að því verði náð eftir 81 ár. Þá fyrst munu konur vera jafnar körlum ef þróunin í átt jafnrétti verður á sama hraða og síðustu ár.

Alþjóðaefnahagsráðið hefur mælt jafnrétti kynjanna á heimsvísu síðan árið 2006. Árið 2006 var jafnrétti kynjanna 56% og hefur aukist um 4% síðan þá og er nú 60%. Ráðið reiknaði út að ef að þróunin verður hvorki hraðari né hægari þá verði jafnrétti náð árið 2095.

Í skýrslu ráðsins er horft er til efnahagslegra þátta, heilsu, menntunar og stjórnmálaþátttöku karla og kvenna. Ekki miðar í jafnréttisátt hvað þessa þætti varðar í öllum löndum. Staðan er einna verst hvað varðar stjórnmálaþátttöku; hin almenna kona á 25% möguleika á við hin almenna karl að taka þátt í stjórnmálum.