Á Twitter má sjá að undir myllumerkinu #OpWhales er mikil virkni þar sem ýmsir aðilar sem virðast vera tengdir Anonynous-samtökunum hreykja sér af því að hafa gert árásir á fjölmargar vefsíður, m.a. vefsíðu forsætisráðuneytisins, mbl.is og aðrar þekktar síður.
Árásirnar ollu umfangsmiklum netruflunum í síðustu viku. Til að mynda voru tæknimenn Sensa kallaðir út sl. föstudag til þess að vinna að lausn og vörnum gegn frekari árásum. Rétt fyrir miðnætti sl. föstudagskvöld tókst að koma á vörnum að hálfu Sensa en fjölmargir þjónustuaðilar og vefsíður fundu fyrir árásunum.
Árásirnar gerðar með því að drekkja vefþjónum í fyrirspurnum
Atlögur sem þessar kallast Denial of Services Attack (DOS) eða Distributed Denial of Service Attack (DDOS) og eru gerðar með því að stýra umferð inn á vefsíður í því magni að þær taka ekki lengur við heimsóknum og liggi niðri.
Hér má sjá hvernig einn Twitter-notandi hreykir sér af því að vefsíður mbl.is og visiticeland.is séu niðri vegna árása Anonymous.
#Anonymous #OpWhales @thisisiceland
What happened to your website? Seems like it got dropped by host? #RektIt pic.twitter.com/NiNPgHwg2L
— Anonymous (@_RektFaggot_) November 14, 2015#Anonymous #OpWhales
#Iceland Online main newsletter just went #TangoDown! STOP the KILLING of fin whales NOW!! pic.twitter.com/eg7MAiecZ4
— Anonymous (@_RektFaggot_) November 8, 2015„Þetta felst í því að sá aðili sem vill gera árásin sendir mjög mikinn fjölda af einföldum fyrirspurnum á vefþjóninn sem sér um þá síðu sem gera á árás á. Netþjónninn reynir að svara þessum fyrirspurnum en hann bara drukknar í þeim,“ útskýrir Hrafnkell.
„Það gerir það að verkum að ef einhver annar ætlar sér að fara inn á síðuna á sá hinn sami í erfiðleikum með það enda er vefþjónninn upptekinn við að svara þessum gríðarlega fjölda fyrirspurna.“
Anonymous-samtökin eru þekkt fyrir slíkar árásir
Hakkararnir í Anonymous eru þekktir fyrir að ráðast gegn samtökum og einstaklingum sem þeim er í nöp við. Eftir skotárásina á skrifstofum franska skopbyndablaðsins Charlie Hebdo í janúar síðastliðnum hétu þeir því að ráðast gegn heimasíðum ISIS og al-Qaeda.
Í dag settu þeir myndband á netið þar sem þeir lýsa yfir stríði gegn hryðjuverkasamtökunum Íslamska ríkinu í kjölfarið á árásum samtakanna í París síðastliðið föstudagskvöld. Að minnsta kosti 129 létust í árásunum og 350 særðust.
Tilkynning Sensa til viðskiptavina sinna sem send var út á föstudagskvöld:
„Kæri viðskiptavinur
Nettruflanir sem hafa verið í gangi í þessari viku eru umfangsmeiri en talið var í fyrstu. Upplýsingum hefur verið deilt á internetinu þess efnis að um sé að ræða skipulagðar árásir „Anonymous“ hópsins vegna stuðnings Íslands við hvalveiðar.
Tæknimenn Sensa eru á staðnum að verjast þessu á ástandi og vinna að lausn. Flókið getur verið að verjast slíkum árásum og erfitt er að vita hversu lengi ástandið varir. Búast má við þjónustutruflunum eða þjónusturofi.
Tilkynningar munu berast um stöðuna eftir atvikum. Við þökkum fyrir sýnda biðlund.“
Tilkynning Sensa til viðskiptavinna sinna sem send var út rétt fyrir miðnætti á föstudagskvöld:
„Kæri viðskiptavinur
Búið er að koma upp vörnum á netlagi til að lágmarka áhrif árása ásamt því að breytingar hafa verið gerðar á netumferð. Ástandið er sem stendur stöðugt en unnið að því að koma á meiri vörnum á gegn frekari árásum.
Unnið er í samvinnu við fjarskiptafélögin en fleiri þjónustuaðilar eru að finna fyrir árásinni. Umferð verður fljótlega komin aftur í eðlilegt horf en ekki útilokað að aðrar árásaaðferðir verði notaðar til að valda usla.
Tæknimenn Sensa verða á vaktinni um helgina og munu bregðast við um leið á vart verður við árásir.“
Hér má sjá tíst merkt myllumerkinu #Opwhales
