Lífið

Ekki fréttafölsun segir kynlífsblaðamaðurinn

Jakob Bjarnar skrifar
Dularfulli maðurinn sem keypti vændi af Deltu White er sannarlega til, svo raunverulegur að Raghneiður hafði séð hann á Tinder og lækaði hann þar.
Dularfulli maðurinn sem keypti vændi af Deltu White er sannarlega til, svo raunverulegur að Raghneiður hafði séð hann á Tinder og lækaði hann þar.

Viðtal á Pressunni undir fyrirsögninni „Stefán svaf hjá uppáhalds klámmyndaleikkonunni sinni“ vakti mikla athygli í gær en þar segir af ferð íslensks karlmanns til London sem kaupir vændisþjónustu af eftirlætis klámmyndaleikkonu sinni. Maðurinn segir af reynslu sinni í viðtali við Ragnheiði Eiríksdóttur kynlífsfræðing og blaðamann.

Ragnheiður hefur mátt sitja undir ásökunum um að hafa skáldað viðtalið frá upphafi til enda. Þannig segir til dæmis Haukur Viðar Alfreðsson textagerðarmaður á Brandenburg á sinni Facebooksíðu:

„Ef þetta spjall fór raunverulega fram og eitthvað af þessu gerðist í alvörunni skal ég gefa ykkur öllum tvöhundruð milljarða.“

Hann er fráleitt einn um að efast um að viðtalið sé raunverulegt, en það má heita nokkuð alvarleg ásökun þegar blaðamenn eru annars vegar að þeir gerist sekir um fréttafölsun.

Sjálf var Ragnheiður í viðtali á Harmageddon í morgun og hún staðhæfir að maðurinn sé raunverulegur. „Honum fannst þetta sjokkerandi, hversu víða þetta fór,“ segir Ragnheiður sem upplýsir að lestur viðtals síns hafi slegið öll met og og sé nú komið í hátt í 60 þúsund heimsóknir.

Ragnheiður er spurð nánar út í manninn og hún segir svo frá að maður sem hún starfar fyrir hafi greint henni frá tilvist og ævintýrum þess manns sem hún kýs að kalla Stefán, einhverra hluta vegna.

„Hann sagði mér frá þessum manni sem er vinur hans og spurði hvort hann væri tilbúinn að hitta mig og segja söguna. En hann er vandlega dulbúinn eins og ég dulbý mína viðmælendur sem óska nafnleyndar.“

Ragnheiður segir aðspurð að útlit mannsins hafi ekki komið sér á óvart, einfaldlega vegna þess að hún hafði séð hann áður. „Ég hafði séð hann á Tinder og lækaði hann þar.“

Umsjónarmenn Harmageddon lék forvitni á að vita hvort „Stefán“ væri úr Garðabænum en ekki var það svo að Ragnheiði væri kunnugt um það. „Ég hef smekk fyrir mönnum úr Garðabænum.“

Umrætt viðtal hefur vakið upp nokkra reiði meðal þeirra sem eru miklir andstæðingar vændisstarfsemi en Ragnheiður hefur verið sökuð um að dásama það með framsetningu og viðtalinu.

„Fámennur og hávær hópur sem fór mikinn á netinu í gær. Ég hef séð eitthvað af þessu. Enginn haft samband við mig beint, veit ekki af hverju. Nokkur komment á þráðum. En, ótrúlega lítið miðað við hversu gríðarlega mikill lestur er á þessari grein,“ segir Ragnheiður:

„En, auðvitað, þetta vekur upp miklar tilfinningar hjá fólki og mér finnst alltaf jákvætt þegar ég get ýtt af stað einhverri umræðu. Það er hiti í fólki varðandi þessi mál og auðvitað öllum frjálst að skrifa greinar um hitt og þetta.“

Ef þetta spjall fór raunverulega fram og eitthvað af þessu gerðist í alvörunni skal ég gefa ykkur öllum tvöhundruð milljarða.

Posted by Haukur Viðar Alfreðsson on 16. nóvember 2015


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.