Tólf ferðamenn og leiðsögumenn drepnir fyrir mistök af egypska hernum

Öryggissveitir egypsku stjórnarinnar drápu tólf ferðamenn og leiðsögumenn í vesturhluta landsins í gær. Svæðið er vinsæll ferðamannastaður en uppreisnarmenn hafa einnig verið á svæðinu. 

Innanríkisráðuneyti landsins segir að sameinaðar sveitir lögreglu og hersins hafi verið að elta uppi uppreisnarmenn þegar árás var gerð á fjóra bíla, sem fluttu fólkið. Ráðuneytið segir ferðamennina og leiðsögumenn þeirra hafa verið á svæðinu ólöglega.

Að minnsta kosti tveir hinna látnu eru mexíkóskir ríkisborgarar og hefur forseti Mexíkó, Enrique Peena Nieto, fordæmt árásina.