Skotárás á háskólasvæði í Osló

Lögreglan í Osló er með mikinn viðbúnað umhverfis Oslóarháskólann í Noregi eftir að hlutur, sem talinn er svipa til sprengju, fannst á svæðinu í nótt. Stórt svæði hefur verið girt af og allt tiltækt lið verið kallað út.

Fyrr um nóttina var skotið á öryggisvörð svæðinu, en hann sakaði ekki alvarlega. Hann hafði séð tvo grunsamlega menn á vappi á háskólalóðinni og ákvað að gefa sig á tal við þá. Mennirnir hlupu þá á brott og öryggisvörðurinn á eftir, þegar annar þeirra sneri sér við og hleypti af fjórum til fimm skotum.

Mannanna er nú leitað en lögregluyfirvöld segjast ekki geta svarað til um hvort atburðir næturinnar tengist.