Viðar Örn lagði upp í jafntefli

Þrír Íslendingar voru í eldlínunni í kínversku úrvalsdeildinni í knattspyrnu í dag en allir höfðu þeir aðeins jafntefli upp úr krafsinu.

Sölvi Geir Ottesen og Viðar Örn Kjartansson byrjuðu léku allan leikinn hjá Jiangsu en liðið tók á móti Changchun. Í fyrri hálfleik lagði Viðar Örn upp mark fyrir Wu Xi og þannig var staðan í hálfleik. Undir lok leiksins náðu gestirnir hins vegar að jafna leikinn og skyldu liðin því jöfn.

Eiður Smári Guðjohnsen lék sinn annan leik með Shijazhuang í dag en Íslendingaliðin tvö mættust einmitt í síðustu umferð. Í dag kom Eiður inn á sem varamaður þegar tuttugu mínútur voru eftir af leik liðs síns gegn botnliðinu Shanghai Shenxin. Hann náði ekki að setja mark sitt á leikinn og en sama er hægt að segja um aðra leikmenn og skyldu liðin markalaus.

Eftir umferðina eru Íslendingaliðin í sjöunda og áttunda sæti deildarinnar með 26 stig. Lið Eiðs á hins vegar leik til góða og getur með sigri komist upp í fimmta sæti.