Gerrard gaf stuðningsmönnum Galaxy frían bjór

Steven Gerrard var kynntur til leiks hjá LA Galaxy í nótt. Gerrard var kynntur til leiks í hálfleik þegar Galaxy mætti Toronto á heimavelli í MLS-deildinni.

Gerrard byrjar þó ekki að spila strax því hann þarf að bíða í tvær vikur áður en hann getur byrjað að spila. Hann gladdi því stuðningsmenn Galaxy á annan hátt í gær.

Liverpool-goðsögnin keypti bjór handa þremur aðalstuðningshópum LA Galaxy og gaf þeim fyrir leikinn í tilefni þjóðhátíðardags Bandaríkjanna.

„Þrátt fyrir að ég hafi ekki klæðst LA Galaxy treyjunni er ég spenntur fyrir að spila fyrir framan LARS (stuðingsmannahópur Galaxy)," segir Gerrard í tilkynningunni.

„Stuðningsmenn eru mikilvægir hjá hverju einasta félagi og ég veit að með stuðningi ykkar munum við berjast um MLS bikarinn á nýjan leik."

„Fyrir það sem þið hafið gert fyrir félagið vil ég gleðja ykkur með hressingu í tilefni fjórða júlí. Hlakka til að sjá ykkur. Virðingarfyllst, Steven Gerrard."

Galaxy rúllaði yfir Toronto, en lokatölur urðu 4-0. Robbie Keane, fyrrum framherji Tottenham, skoraði meðal annars þrennu. 

Winning b4 he even steps on the field, thanks Steven Gerrard for the beer! If u are headed 2 Picnication bring ice! pic.twitter.com/L0pKUo9ff8

— LA Riot Squad (@LARiotSquad) July 4, 2015