Vilja fleiri konur sem presta

Félag prestvígðra skorar á valnefndir, prófasta og biskup íslands að tryggja að þjóðkirkjufólk hafi aðgang að jafnri þjónustu beggja kynja innan sókna, samstarfssvæða eða prófastsdæma. Konur eru nú einungis þriðjungur þjónandi presta.

Þetta kemur fram á aðalfundi félagsins sem haldinn var þann 13. apríl síðastliðinn.

Félagið fagnar því hversu margar frambærilegar konu hafi lokið guðfræðinámi og sækist eftir embættum og trúnaðarstörfum innan Þjóðkirkjunnar.

„Hins vegar gagnrýnir fundurinn hversu lítinn framgang  konur hafa fengið í vali og veitingum embætta á umliðnu ári en á árinu fengu fimm karlar og fjórar konur embætti, en á móti gengu sjö konur og tveir karlar úr embætti, þannig að kynjahallinn hefur enn aukist. Að auki bendir fundurinn á að af þeim sem hlutu vígslu árið 2014 voru fimm karlar og tvær konur.“