Lubitz sagður hafa verið í sjálfsmorðshugleiðingum

Andreas Lubitz, var í sjálfsmorðshugleiðingum fyrir árum síðan. Þetta kom fram í máli saksóknara í Dusseldorf, sem sögðu hann hafa leitað sér hjálpar, áður en hann varð flugmaður. Hann var 27 ára gamall og hafði einnig verið í sálfræðimeðferð þar til nýlega, en hvergi kom fram að hann væri enn í sjálfsmorðshugleiðingum né að öðrum stafaði ógn af honum á nokkurn hátt.

Nú þykir nokkuð ljóst að Lubitz hafi læst flugstjóra vélarinnar, sem var á leið frá Barcelona til Dusseldorf á þriðjudaginn, út úr flugstjórnarklefanum. Þá breytti hann stillingum sjálfsstýringar vélarinnar svo hún flaug á fjall í frönsku Ölpunum á um 700 kílómetra hraða.

150 manns létust samstundis.

Samkvæmt AP fréttaveitunni hafa rannsakendur ekki fundið neinar vísbendingar sem varpað gætu ljósi á tilefni þessa ódæðis.