Fótbolti

Xavi: Bara heimsókn til Katar

Eiríkur Stefán Ásgeirsson skrifar
Vísir/Getty
Miðjumaðurinn Xavi, leikmaður Barcelona, segir að það sé ekkert hæft í þeim fullyrðingum að hann sé búinn að ganga frá samningi við Al Sadd í Katar.

Hinn 35 ára Xavi fór til Katar um helgina en hann á þó eitt ár eftir af samningi sínum við Barcelona, þar sem hann hefur spilað allan sinn feril.

„Þetta var bara heimsókn, ekkert meira. Bara heimsókn,“ sagði Xavi á flugvellinum í Barcelona í gærkvöldi. „Þegar ég er með einhverjar fréttir þá læt ég ykkur vita,“ sagði hann við fréttamenn.

Félagið hefur ekki staðfest neitt um félagaskipti Xavi, ekki fremur en leikmaðurinn sjálfur, en liðsstjóri Al Sadd, Abdullah Al-Berik, birti um helgina mynd af sér með Xavi um helgina með þeirri fullyrðingu að leikmaðurinn sé búinn að ganga frá samningi við félagið.

Félagið neyddist til að gefa út tilkynningu þar sem tekið var fram að viðræður væru enn í gangi og að Xavi hefði aðeins verið í Katar með fjölskyldu sinni til að kynna sér aðstæður.

Fótbolti

Mest lesið


Fleiri fréttir

Sjá meira


×

Mest lesið