2014 metár fyrir vírusa

Öryggisfyrirtækið Panda Security, segir að árið 2014 hafi verið sérstaklega slæmt með tilliti til forrita eins og vírusa og orma og jafnvel það versta hingað til. Spænska fyrirtækið segir í árlegri skýrslu að fjöldi slíkra forrita verið tvöfalt meiri árið 2014 en 2013.

Allt í allt segjast þeir hafa fundið um 75 milljónir forrita í fyrra, en um 30 milljónir árið 2013. Forritin fundust jafnt í vinnutölvum, sem heimilistölvum og að meðaltali segja þeir að 200 þúsund tölvuárásir hafi verið framkvæmdar á degi hverjum.

Þar að auki er bent á á vefnum CNet að stór fyrirtæki hafi orðið fyrir áberandi tölvuárásum og nefna til dæmis Sony, Home Depot og Target.

Í tilkynningu segir yfirmaður Panda að ógnin verði meiri á þessu ári og vinnustaðir sem og heimili þurfi að geta brugðist við henni.