Verkalýðshreyfingin fær liðsstyrk í Sigmundi Davíð Þorbjörn Þórðarson skrifar 24. febrúar 2015 20:11 Forsætisráðherra er hlynntur kröfum verkalýðshreyfingarinnar um krónutöluhækkanir í komandi kjarasamningum. Framkvæmdastjóri Samtaka atvinnulífsins segir mikilvægt að forðast óábyrgar launahækkanir níunda áratugarins því þær brenni inni í verðbólgu. Hörð átök eru framundan á vinnumarkaði. Verkalýðshreyfingin fékk liðsinni innan úr ríkisstjórninni fyrir kröfum sínum um krónutöluhækkanir þegar forsætisráðherra lýsti sig hlynntan þeim á Alþingi í dag. „Mig langar að spyrja hæstvirtan forsætisráðherra, styður hann krónutöluhækkanir sérstaklega fyrir lægst launuðu hópana? Styður hann þessa kröfu um að lægstu taxtar séu ekki undir 300.000 krónum?“ spurði Katrín Jakobsdóttir formaður Vinstri grænna á Alþingi í dag. „Virðulegur forseti. Ég held að ég og háttvirtur þingmaður séum bara nánast alveg sammála um mikilvægi þess að forgangsraða á þann hátt að sérstaklega verði komist til móts við fólk með lægri og meðaltekjur og það sé vel gert, jafnvel best gert með áherslu á krónutöluhækkanir,“ sagði Sigmundur Davíð í svari við fyrirspurn Katrínar. Á þessari mynd sem SA vann upp úr tölum Hagstofunnar sést glögglega hvernig kaupmáttur vegna launahækkana níunda áratugar síðustu aldar, fyrir Þjóðarsáttina, brann allur inni í verðbólgu þess tíma. Hægra megin á myndinni má sjá mun betri árangur hinna Norðurlandanna á sama tíma.Ljóst er að forsætisráðherra og Bjarna Benediktsson fjármálaráðherra greinir á um þetta miðað við orð fjármálaráðherra í þinginu 5. febrúar en þá sagði Bjarni: „Ég ætla einfaldlega að eftirláta það aðilum vinnumarkaðarins að finna lausn á því hvernig gengið verður frá kjarasamningum að þessu sinni, en þau skilaboð hljóta að fylgja héðan úr þingsal að menn skuli hafa í huga að gangi menn of hart fram segir sagan okkur hvar það endar, miklar nafnlaunahækkanir hafa tilhneigingu til að enda í verðbólgu líkt og Seðlabankinn benti á núna síðast. Og hvað gerist þá? Þá þurfum við að fara eina byltu enn. Úr því kemur engin kaupmáttaraukning.“ Kjarasamningar renna út á föstudag en himinn og haf eru á milli krafna verkalýðshreyfingarinnar og afstöðu Samtaka atvinnulífsins. „Ég held að það blasi alveg við að það verður mjög erfið staða að vinna úr. Ég held að við séum alveg sammála um mikilvægi þess að auka kaupmátt. Við erum bara mjög ósammála um hvaða leiðir séu hentugastar til þess. Ef að við náum saman um það markmið að hækka kaupmátt áfram og byggja á þeim árangri sem náðst hefur þá held ég við getum leyst úr þessari stöðu,“ segir Þorsteinn Víglundsson framkvæmdastjóri Samtaka atvinnulífsins. Þorsteinn Víglundsson framkvæmdastjóri Samtaka atvinnulífsins. Launahækkanir niunda áratugs síðustu aldar brunnu allar inni í verðbólgu.Tvöföld verkan skynsamra kjarasamninga Þorsteinn segir að miklar hækkanir einstakra hópa geti leitt til ástands óðaverðbólgu eins og var hér á níunda áratugnum. Vegna ábyrgra kjarasamninga síðasta árs var vaxtabyrði og verðbótaþáttur húsnæðislána heimilanna á síðasta ári 60 milljörðum króna lægri en árið 2013. „Þetta er þessi tvöfalda verkan skynsamra kjarasamninga. Við náðum verðbólgunni niður og við náðum vaxtastiginu niður en um leið náðum við að auka kaupmátt mjög mikið,“ segir Þorsteinn. Í raun tapa allir á of miklum hækkunum í kjarasamningum því það keyrir upp verðbólguna og kaupmáttaraukning launahækkana verður engin. Mest lesið Ekkja hins látna: „Hann var enginn barnaperri“ Innlent „Tesla er ekki málið til að standa í svona“ Innlent „Unglingadrykkjan virðist vera orðin norm“ Innlent Alvarlegt hversu mörg börn skorti samkennd Innlent Trump gerir aðför að stjórn Seðlabankans Erlent Ísland gat ekki gert losunarmarkmið ESB að sínu Innlent Móðir um sakborning: „Matthías er blíður og góður“ Innlent „Ég segi bara að þögn er sama og samþykki“ Innlent Ríkið braut á konu með því að láta mál hennar fyrnast Innlent Sjálfstæðisflokkurinn aftur orðinn stærstur í borginni Innlent Fleiri fréttir Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Metaregn í hlýindum á Íslandi Miklir vatnavextir og Fjallabak illfært flestum bílum Alvarlegt hversu mörg börn skorti samkennd Ísland gat ekki gert losunarmarkmið ESB að sínu Skjálfti við Húsavík Byssan reyndist leikfang „Það er sú aðgerð sem mun hraðast slá á þetta misræmi“ „Nokkur fjöldi“ ísjaka 16 kílómetrum frá Tröllaskaga „Ég segi bara að þögn er sama og samþykki“ „Unglingadrykkjan virðist vera orðin norm“ Staðan ekki alvarleg í Haukadalsá Loka Bröttubrekku í tvo daga „Tesla er ekki málið til að standa í svona“ Minntust Jesse í Vesturbænum: „Það er mikill söknuður að virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Sjá meira
Forsætisráðherra er hlynntur kröfum verkalýðshreyfingarinnar um krónutöluhækkanir í komandi kjarasamningum. Framkvæmdastjóri Samtaka atvinnulífsins segir mikilvægt að forðast óábyrgar launahækkanir níunda áratugarins því þær brenni inni í verðbólgu. Hörð átök eru framundan á vinnumarkaði. Verkalýðshreyfingin fékk liðsinni innan úr ríkisstjórninni fyrir kröfum sínum um krónutöluhækkanir þegar forsætisráðherra lýsti sig hlynntan þeim á Alþingi í dag. „Mig langar að spyrja hæstvirtan forsætisráðherra, styður hann krónutöluhækkanir sérstaklega fyrir lægst launuðu hópana? Styður hann þessa kröfu um að lægstu taxtar séu ekki undir 300.000 krónum?“ spurði Katrín Jakobsdóttir formaður Vinstri grænna á Alþingi í dag. „Virðulegur forseti. Ég held að ég og háttvirtur þingmaður séum bara nánast alveg sammála um mikilvægi þess að forgangsraða á þann hátt að sérstaklega verði komist til móts við fólk með lægri og meðaltekjur og það sé vel gert, jafnvel best gert með áherslu á krónutöluhækkanir,“ sagði Sigmundur Davíð í svari við fyrirspurn Katrínar. Á þessari mynd sem SA vann upp úr tölum Hagstofunnar sést glögglega hvernig kaupmáttur vegna launahækkana níunda áratugar síðustu aldar, fyrir Þjóðarsáttina, brann allur inni í verðbólgu þess tíma. Hægra megin á myndinni má sjá mun betri árangur hinna Norðurlandanna á sama tíma.Ljóst er að forsætisráðherra og Bjarna Benediktsson fjármálaráðherra greinir á um þetta miðað við orð fjármálaráðherra í þinginu 5. febrúar en þá sagði Bjarni: „Ég ætla einfaldlega að eftirláta það aðilum vinnumarkaðarins að finna lausn á því hvernig gengið verður frá kjarasamningum að þessu sinni, en þau skilaboð hljóta að fylgja héðan úr þingsal að menn skuli hafa í huga að gangi menn of hart fram segir sagan okkur hvar það endar, miklar nafnlaunahækkanir hafa tilhneigingu til að enda í verðbólgu líkt og Seðlabankinn benti á núna síðast. Og hvað gerist þá? Þá þurfum við að fara eina byltu enn. Úr því kemur engin kaupmáttaraukning.“ Kjarasamningar renna út á föstudag en himinn og haf eru á milli krafna verkalýðshreyfingarinnar og afstöðu Samtaka atvinnulífsins. „Ég held að það blasi alveg við að það verður mjög erfið staða að vinna úr. Ég held að við séum alveg sammála um mikilvægi þess að auka kaupmátt. Við erum bara mjög ósammála um hvaða leiðir séu hentugastar til þess. Ef að við náum saman um það markmið að hækka kaupmátt áfram og byggja á þeim árangri sem náðst hefur þá held ég við getum leyst úr þessari stöðu,“ segir Þorsteinn Víglundsson framkvæmdastjóri Samtaka atvinnulífsins. Þorsteinn Víglundsson framkvæmdastjóri Samtaka atvinnulífsins. Launahækkanir niunda áratugs síðustu aldar brunnu allar inni í verðbólgu.Tvöföld verkan skynsamra kjarasamninga Þorsteinn segir að miklar hækkanir einstakra hópa geti leitt til ástands óðaverðbólgu eins og var hér á níunda áratugnum. Vegna ábyrgra kjarasamninga síðasta árs var vaxtabyrði og verðbótaþáttur húsnæðislána heimilanna á síðasta ári 60 milljörðum króna lægri en árið 2013. „Þetta er þessi tvöfalda verkan skynsamra kjarasamninga. Við náðum verðbólgunni niður og við náðum vaxtastiginu niður en um leið náðum við að auka kaupmátt mjög mikið,“ segir Þorsteinn. Í raun tapa allir á of miklum hækkunum í kjarasamningum því það keyrir upp verðbólguna og kaupmáttaraukning launahækkana verður engin.
Mest lesið Ekkja hins látna: „Hann var enginn barnaperri“ Innlent „Tesla er ekki málið til að standa í svona“ Innlent „Unglingadrykkjan virðist vera orðin norm“ Innlent Alvarlegt hversu mörg börn skorti samkennd Innlent Trump gerir aðför að stjórn Seðlabankans Erlent Ísland gat ekki gert losunarmarkmið ESB að sínu Innlent Móðir um sakborning: „Matthías er blíður og góður“ Innlent „Ég segi bara að þögn er sama og samþykki“ Innlent Ríkið braut á konu með því að láta mál hennar fyrnast Innlent Sjálfstæðisflokkurinn aftur orðinn stærstur í borginni Innlent Fleiri fréttir Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjálfstæðisflokkurinn aftur orðinn stærstur í borginni Ríkið braut á konu með því að láta mál hennar fyrnast Ekkja hins látna: „Hann var enginn barnaperri“ Metaregn í hlýindum á Íslandi Miklir vatnavextir og Fjallabak illfært flestum bílum Alvarlegt hversu mörg börn skorti samkennd Ísland gat ekki gert losunarmarkmið ESB að sínu Skjálfti við Húsavík Byssan reyndist leikfang „Það er sú aðgerð sem mun hraðast slá á þetta misræmi“ „Nokkur fjöldi“ ísjaka 16 kílómetrum frá Tröllaskaga „Ég segi bara að þögn er sama og samþykki“ „Unglingadrykkjan virðist vera orðin norm“ Staðan ekki alvarleg í Haukadalsá Loka Bröttubrekku í tvo daga „Tesla er ekki málið til að standa í svona“ Minntust Jesse í Vesturbænum: „Það er mikill söknuður að virkilega góðum dreng“ Skýr mynd dregin upp í dómsal og minningarstund Hækkar frítekjumark vegna hækkunar örorkulífeyris „Hann var hræddur, eiginlega alveg skíthræddur“ Kjaraviðræður Sinfó „stefni í rétta átt“ Stöðupróf verði skylda í öllum skólum strax í vor „Ég er fimmtíu kíló, ég get ekki stoppað hann“ Núverandi staða ekki talin vera alvarleg Vön því að hringja í fullorðna karlmenn á fölskum forsendum Opna Vesturbæjarlaug á morgun en Sundhallargestir þurfa að bíða Sjá meira