Mennta þarf kennara í notkun tækja í kennslustofunni

Aðalsteinn Kjartansson skrifar 15. september 2015 12:33

Tölvunotkun í skólum er ekki talin skila nemendum betri árangri heldur þvert á móti hefur haft neikvæð áhrif á námsárangur þeirra, samkvæmt skýrslu OECD. Mynd tengist frétt ekki beint. Vísir

Tölvunotkun í skólum er ekki talin skila nemendum betri árangri heldur þvert á móti hefur haft neikvæð áhrif á námsárangur þeirra, að því er fram kemur í nýrri skýrslu OECD ríkja. Tölvu- og tæknivæðing í skólum er því ekki talin skila árangri.

Við gerð skýrslunnar var litið til niðurstaðna úr Pisa-könnun sem framkvæmd var í sjötíu löndum. Þar kom í ljós að námsárangur var hvað bestur í Austur-Asíu, þar sem tölvunotkun í kennslustofum er afar takmörkuð.

Unnið að menntun kennara

Guðbjörg Ragnarsdóttir, varaformaður Félags grunnskólakennara, segir vanta að fylgja eftir innleiðingu tækja og tóla með menntun þeirra sem hafa umsjón með þeim.

„Ég held að það sé hluti af vandamálum og það er í raun og veru eins og sú hugsun verið hjá okkur kennurum,” segir hún. Guðbjörg nefnir þó að verið sé að auka þetta, til dæmis í Kópavogi.

„Í Kópavogi er verið að gera átaka. Þar er verið að innleiða í áttunda og níunda bekk spjaldtölvur. Kennararnir fengu tæki og þjálfu í notkun tækjanna áður og svo ráða þeir kennsluráðgjafa sem geta komið inn í skólana og aðstoðað kennarana. Fyrir utan að hverjum skóla er gert að setja sér markmið í notkuninni,“ segir hún. „Þannig það er verið að reyna að vinna á markvissri hátt með tækin.“

Þarf meira íslenskt efni

Vantar þá í raun eftirfylgni um hvernig tæki eru notuð hér á landi?

„Já. Ef maður kaupir nýtt tæki og kann ekki á það þá notar maður bara einn takka. Það er svo mikilvægt að mennta fólk til þess, og nota bara hluta starfsnámi kennara í þetta, að ýta undir upplýsinga- og tæknimenntun. Því það hefur áhrif. Það er ekki nóg að hafa tækin,“ segir hún og bætir við: „Svo vantar auðvitað líka á Íslandi eitthvað sem er meira íslenskað, þannig að við höfum betra aðgengi að efni á íslensku.“

Tengdar fréttir

Tölvur í kennslustofum geti haft neikvæð áhrif

Tölvunotkun í skólum er ekki talin skila nemendum betri árangri heldur þvert á móti hefur haft neikvæð áhrif á námsárangur þeirra, að því er fram kemur í nýrri skýrslu OECD ríkja.

15. september 2015 07:41