Kjarnorkuviðræðurnar: Drög að samkomulagi liggja fyrir

Gerð hafa verið drög að samkomulagi vegna kjarnorkuáætlunar Írans, að því er BBC greinir frá.

Þá greinir Javad Zarif, utanríkisráðherra Írans, frá því á Twitter að lausnin liggi fyrir og nú sé hægt að fara að gera endanlegt samkomulag.

Samningaviðræður hafa staðið yfir síðustu viku á milli Írans og fulltrúa Bandaríkjanna, Þýskalands, Rússlands, Bretlands, Kína og Frakklands. Viðræðurnar fóru fram Lausanne í Sviss, en upphaflegur frestur til að ljúka þeim rann út 31. mars.

Stefnt er að því að endanlegt samkomulag um kjarnorkuáætlun Írana liggi fyrir í seinasta lagi þann 30. júní, sem er næsti frestur í viðræðunum.

Found solutions. Ready to start drafting immediately.

— Javad Zarif (@JZarif) April 2, 2015