Markaleikur í sigri Vals á Þór

Valur fór langleiðina með að tryggja sér sæti í 8-liða úrslitum Lengjubikars karla með 3-2 sigri á Þórsurum í dag. Leikið var í Egilshöll.

Patrick Pedersen og Andri Adolphsson skoruðu fyrir Val á annari og sjöundu mínútu, en Kristinn Freyr Sigurðsson fékk rautt spjald hjá Val eftir 21. mínútu.

Kristinn Þór Rósbergsson minnkaði muninn fyrir Þór í 2-1 og þannig stóðu leikar í hálfleik. Haukur Ásberg Hilmarsson, ungur og spennandi leikmaður, jók muninn í 3-1 strax eftir hlé.

Jóhann Helgi Hannesson minnkaði muninn í 3-2, en þannig urðu lokatölur. Eftir sigurinn eru Valsmenn með fjórtán stig eftir sex leiki, stigi á eftir ÍA sem er í efsta sætinu. Þór er á botninum með þrjú stig eftir sex leiki.

Úrslit og markaskorarar eru fengnir frá Fótbolta.net.