Viðar Örn spilaði allan leikinn í sigri

Viðar Örn Kjartansson spilaði allan leikinn fyrir Jiangsu Guoxin-Sainty sem vann sinn fyrsta leik í kínversku úrvalsdeildinni í knattspyrnu í dag, en lokatölur 2-0.

Viðar, sem skoraði eina mark Sainty í fyrsta leiknum í deildinni, var í byrjunarliðinu og spilaði allan leikinn í sigri gegn Guizhou Renhe. Sölvi Geir Ottesen var ekki í leikmannahóp Sainty.

Hang Ren kom Sainty yfir eftir tæpan klukkutíma og Escudero bætti við fyrsta marki sínu og öðru marki Sainty á 68. mínútu. Þannig urðu lokatölur.

Jiangsu tapaði fyrsta leik sínum, en er nú komið á blað í deildinni. Guizhou hefur tapað báðum leikjum sínum.