Talinn hafa myrt börn sín fimm

Bandarískur maður, Timothy Ray Jones, er nú í haldi lögreglu í Mississippi grunaður um að hafa myrt börnin sín fimm að tölu. Lýst var eftir börnunum eftir að móðir þeirra, fyrrverandi eiginkona Jones, fór að óttast um þau.

Börnin voru á aldrinum eins til átta ára og fann lögreglan lík þeirra grafin nálægt hraðbraut í Alabama í gær. Lítið hefur verið gefið uppi um málið en talið er að Jones hafi viðurkennt verknaðinn og leitt lögreglu að staðnum þar sem hann gróf líkin.