Balotelli í nýju hlutverki

Mario Balotelli hefur aldrei verið sakaður um skort á sjálfsáliti og hefur ítalski leikmaðurinn hitað upp fyrir Heimsmeistaramótið sem fer fram í Brasilíu með athyglisverðri mynd á Instagram-síðu sinni.

Balotelli sem er í ítalska landsliðshópnum fyrir mótið breytti mynd af helsta einkenni Rio De Janeiro, styttunni af Jesú Krist. Setti hann sjálfan sig í spor styttunar horfandi yfir borgina og tilkynnti um leið að Ítalir væru á leiðinni.

Styttan sem er tákn kristinnar trúar í Brasilíu sem er upp á fjallinu Corcovado er með yfirsýn yfir alla borgina og er af mörgum talin vera tákn borgarinnar. Nú er spurning hvernig íbúar Brasilíu taka í nýjasta uppátæki Ítalans.