Messi er frá Júpíter

Stephen Keshi, landsliðsþjálfari Nígeríu, hrósaði Lionel Messi eftir leik Argentínu og Nígeríu í gærkvöldi. Keshi taldi að Messi sem skoraði í tveimur leikjum væri ekki frá sömu plánetu og aðrir leikmenn inn á vellinum.

Messi kom Argentínu tvisvar yfir í fyrri hálfleik, þar af kom seinna markið úr glæsilegri aukaspyrnu áður en hann var tekinn af velli.

„Hann er leikmaður í öðrum gæðaflokki. Hann hefur guðsgjöf sem ekki er hægt að taka frá honum. Það eru til heimsklassa leikmenn en hann er einfaldlega frá Júpíter í þeim samanburði,“ sagði Keshi.