Aguero úr leik

Ljóst er að Sergio Aguero mun ekki taka meira þátt á Heimsmeistaramótinu eftir að hann meiddist aftan í læri í 3-2 sigri Argentínu á Nígeríu í gær.

Alejandro Sabella valdi sterkt lið þrátt fyrir að sæti Argentínu í 16-liða úrslitunum væri tryggt. Það kom hinsvegar í bakið á honum þegar Aguero fór meiddur af velli undir lok fyrri hálfleiksins.

Aguero sem byrjaði tímabilið gríðarlega vel í liði Manchester City hefur glímt við meiðsli í kálfa undanfarna mánuði sem tóku sig upp á ný í leiknum gegn Nígeríu og gera það að verkum að þátttöku hans á mótinu er lokið. Argentína mætir Sviss í 16-liða úrslitunum.