Aron upplifir draum Eiðs Smára

Aron Jóhannsson er að lifa draum flestra fótboltamanna, að fá að taka þátt í lokamóti Heimsmeistaramótsins og ekki skemmir fyrir að keppnin sé haldin í Brasilíu.

Eiður Smári Guðjohnsen er einn af mörgum heimsklassa leikmönnum sem aldrei fengu tækifærið til þess að láta ljós sitt skína á stærsta sviði fótboltans og kvittaði hann fyrir það undir mynd sem birt var af Aroni á steikarhúsi með bróðir sínum á Instagram.

Má nefna menn á borð við Ryan Giggs og Ian Rush sem voru í fremstu röð á sínum tíma en fengu aldrei tækifærið á Heimsmeistaramótinu.

Mynd Arons má sjá hér fyrir neðan en Eiður skrifaði „Living my world cup dream!!!!,“ eða „Ert að upplifa drauminn minn að spila á Heimsmeistaramóti,“ við myndina.